7 Quotes: 棟篤男神要參演舞台劇!他的經典語錄你熟讀了嗎?

HF Crewon April 27, 2016 at 7:45 pm

一代男神黃子華,昨日剛剛宣布今年將會參演舞台劇,跟久未露面的陳法拉合作。光是一條一分鐘的teaser,就經已讓人期待萬分,可見男神魅力。說起黃子華這位男神,論樣子他或許不夠傳統男神,論身材亦不夠一眾新冒起的小鮮肉,但論才華和深度的話,他卻當之無愧。

因為童年不太愉快的經歷,加上在大學時期修讀哲學,畢業後又嘗試過多種不同工作,這些經歷都讓黃子華成為了一個愛思考和有內涵的人。他更是香港第一位用粵語做「棟篤笑」的人,而「棟篤笑」這名字正正是他本人自創,亦即是外國流行的「Stand up comedy」。作為棟篤笑始祖,黃子華沒有讓觀眾失望,做棟篤笑可以做到進軍紅館的他,每次都為觀眾帶來驚喜和笑料,可謂百聽不厭。

棟篤男神黃子華的專屬智慧,一起回顧一下吧!

男人喺愛情上係要求新鮮,而女人對愛情最大嘅要求就係保鮮。

男女本來就對很多事的看法都不同,但假若可以理解對方多一點,彼此的關係是否就能維持長一點?

黃子華語錄hokk fabrica
Collage by Natalie K/HOKK fabrica

大自然所有嘅動物都係食物鏈上,鏈嘅下層俾鏈嘅上層吃,一層一層咁鏈上去。人類有人類自己的食物鏈,人類的食物鏈簡單好多,只有三種。最下層係無產,中層係中產,頂層係冚家產。呢個絕無不敬的成分,因爲頂層嘅呢啲人唔係房產,權產就係遺產,名符其實冚家都係產,所以我哋好多時叫冚家產會加乜嘢?冚家富貴。

有時候有些事,並不是說你有多努力就能達到多高的地位,天時地利人和很多因素都會有所影響。但假若保持一個努力的心,上天總會眷顧永不言休的人吧。

黃子華語錄hokk fabrica
Collage by Natalie K/HOKK fabrica

宇宙最高法則:係咁嫁啦,好出奇呀?

把這兩句說話牢牢的記在心,然後遇上什麼難題也拿出來用,世上還有讓人煩心的事嗎?

黃子華語錄hokk fabrica
Collage by Natalie K/HOKK fabrica

女人,係攞正牌講大話!乜嘢叫做化妝?化妝就係你個樣講大話!各位女士你地明唔明乜嘢叫做化妝?化妝就係:你落咗妝我認得你就叫做化妝;你落咗妝我唔認得你就叫做「喬裝」!

女生們,好好記著這個化妝法則吧。

黃子華語錄hokk fabrica
Collage by Natalie K/HOKK fabrica

白雪公主,幾咁純潔無瑕。但係諗真啲,白雪公主,識得嗰個係王子,灰姑娘識嗰個又係王子。有個有特殊嚐好,鐘意錫青蛙嘅女人錫咗隻青蛙一啖,隻青蛙變出嚟嘅又係王子!有冇人諗過根本個王子係同一個人呢?根本呢個王子都不知幾花心,周圍溝女。仲無良到扮青蛙去溝添!

或許世上根本就沒有白馬王子,但假若願意為另一半付出和投入,童話式的愛情也不是沒有可能的。

黃子華語錄hokk fabrica
Collage by Natalie K/HOKK fabrica

愛情同股票一樣,未入之前係不停咁升。但當一擁有,你就問:「點解會咁㗎?」所以世上有100分男孩、100分女孩,但就冇100分伴侶。如果仲有人唔肯承認,相處就代表開始扣分,我有個例子:

兩個人相愛,當然唔想有第三者,但點解你想生仔?「仔點會係第三者呀?」仔唔係人呀!喂,呢個第三者佔你哋好多時間㗎喎!呢個第三者,一日食六餐,隨時食埋你嗰份。「咁一男一女就梗係要生仔㗎啦!」係囉!點解呢?因為當世界只剩下一男一女,得番你同我,你就feel到,呢個遊戲係唔玩得耐。

一段100分的關係,真的這樣難嗎?假若有個「第三者」能促進彼此的相處,令兩人的關係得以昇華,也不算是壞事吧。

黃子華語錄hokk fabrica
Collage by Natalie K/HOKK fabrica

點解要帶金撈?唔帶勞,有乜資格同人講,時間係寶貴?我嘅時間點值錢呀?嗱,支時針圍住行一個圈,十二個鐘,十幾皮嘢,即係為皮幾嘢一個鐘。你一個鐘值幾錢啊? 幾舊水?我點同你一齊食飯啊,大家時間觀念咁唔同! 唔單止咁,你帶撈,表示你個人有幽默感。勞力士,有邊個靠勞力搵食嘅人帶得起勞力士啊?越帶勞力士嘅人就越表示佢唔使用勞力!呢啲,就叫做幽默感啦。

是否名錶又有何所謂,最緊要是把時間掌握在手裡,然後用自己的勞力換取所賺的每一分錢,才是最值得自豪。

TEXT: CRYSTAL C
DESIGN: NATALIE K/HOKK FABRICA
HOKK fabrica
原來,不只一種模樣
Contact us | 合作請聯繫
media@hokkfabrica.com

未經授權請勿以任何形式轉載,違者追究法律責任。

WATCH: 愛也好,慾也好,在攝影棚內聽曾美慧孜一一道來

Send this to a friend